Монгол Улсын Ерөнхий сайд С.Батболдын ивээл дор манай улсад анх удаа зохиогдож буй Монголын эдийн засгийн чуулган үргэлжилж байна. Энэ өдөр “Монгол Улсын төсвийн шинэтгэл”, “Уул уурхайн салбарын хөгжил”, “Байгаль орчин-ногоон эдийн засаг” гэсэн гурван салбар хуралдаан болж эдгээр салбарт тулгамдаж буй асуудлуудаар бодлого боловсруулагчид, бизнес эрхлэгчид, эрдэмтэн судлаачид, иргэний нийгмийн төлөөллүүд нээлттэй ярилцлаа. “Монгол Улсын төсвийн шинэтгэл” салбар хуралдааныг Сангийн сайд С.Баярцогт, “Уул уурхайн салбарын хөгжил” хуралдааныг Эрдэс баялаг, эрчим хүчний сайд Д.Зоригт, “Байгаль орчин, ногоон эдийн засаг” хуралдааныг УИХ-ын гишүүн, Ногоон намын дарга Д.Энхбат нар удирдав.
Монголын эдийн засгийн чуулга уулзалтын эхний өдрийн салбар хуралдаанаа дүгнэж УИХ-ын гишүүн, ЭБЭХ-ий сайд Д.Зоригт “Уул уурхайн салбараа дагаж хөгждөг нэмүү өртөг шингэсэн үйлдвэрлэл, дэд бүтэц бүхий үйлчилгээний салбарыг хөгжүүлэхэд төр, засгаас юу хийх ёстой вэ. Уул уурхайн салбарын улс, орон нутгийн төсөвт оруулах орлого, түүний зарцуулалтыг ил тод болгоё. Уул уурхайн салбар сүүлийн 10-20 жилд бидний хүлээж байсан хурдаар хөгжиж чадсангүй гэсэн шүүмжлэл манай салбар хуралдаанд оролцсон гишүүдээс гарч байлаа. Дэд бүтцийн хөгжил сул байгаагаас орд газруудыг ашиглалтад оруулах хугацаа удааширч байна.
Томоохон төслүүдээ эргэлтэд яаралтай оруулъя гэсэн санал манай төлөөлөгчдөөс гарч байлаа. Бид маргаашийн хуралдаанд энэ талаар үргэлжлүүлэн санал солилцож, нээлттэй ярилцах болно” гэлээ. УИХ-ын гишүүн Д.Энхбат даргалсан хуралдаанаа дүгнэж “Байгаль орчин-ногоон эдийн засаг” салбар хуралдаан “Уур амьсгал, дэлхийн дулаарал”, “Байгаль орчны тулгамдсан асуудлууд” сэдвээр цөлжилт, ургамлын бүрхүүл, бэлчээрийн доройтол, усны хомсдол, “Ус” үндэсний хөтөлбөр, ногоон эдийн засгийг хөгжүүлэх тухай, биологийн төрөл зүйлийн доройтол, түүнийг хамгаалах, нөхөн сэргээх арга хэмжээг өргөжүүлэх, хүрээлэн буй орчны бохирдол, хотын экологи, хог хаягдлын шинэ менежмент зэрэг олон асуудлаар асуудал хөндлөө” гэлээ.
УИХ-ын гишүүн, Сангийн сайд С.Баярцогт “Монгол Улсын төсвийн шинэтгэл” салбар хуралдааныг дүгнэж “Улсын төсвийн боловсруулалт, төлөвлөлт, гүйцэтгэл иргэдэд ил тод байх ёстой хэмээн хувийн хэвшлийнхэн, иргэний нийгмийнхэн үзэж байна. Дашрамд хэлэхэд, Төвсийн байгууллагын удирдлага, санхүүжилтийн хуулийн төслөө Монгол Улсын Ерөнхийлөгчийн дэргэд ажилладаг “Иргэний танхим”-аар дамжуулаад нээлттэй хэлэлцүүлэг явуулах саналд нэгдлээ” гэлээ. Монгол Улсын Эдийн засгийн форум маргааш Төрийн ордонд хоёр дахь өдрөө үргэлжилнэ
Монгол Улсын Ерөнхий сайд С.Батболд 2010 оны 2 дугаар сарын 8-ны өдөр Блүмберг агентлагийн сурвалжлагчид ярилцлага өглөө. Сурвалжлагч байгалийн нөөц баялгаа дэмий сүйтгэж ирсэн олон улс орон түүхэнд байдгийг дурьдаад, Монгол Улс чухам ямар замаар амжилтанд хүрэх гэж байгаа талаар Ерөнхий сайдын бодлыг асуулаа.”Ер нь бусдын алдаа болон туршлагаас суралцах хэрэгтэй. Ашигт малтмалтай холбоотой асуудлуудын хүрээнд аль ч оронд Засгийн газрын байр суурь баримталж буй бодлого, чиглэл нэн чухал.
Монголын эдийн засгийн анхдугаар чуулган эхэллээ. Чуулган хоёр өдөр үргэлжлэх бөгөөд салбар хуралдаанууд хуралдах юм. Энэхүү чуулганаар улсын төсвийн шинэтгэл, уул уурхайн салбарын хөгжил, байгаль орчин, ногоон эдийн засаг, улсын бүртгэлийн болон хөрөнгийн зах зээлийн шинэчлэл, өрсөлдөх чадварыг дээшлүүлэх зэрэг асуудлыг хэлэлцэж байна. Монгол Улсын Ерөнхий сайд С.Батболд чуулганы ажиллагааг нээж үг хэлэв.
Монгол Улсын Ерөнхий сайд С.Батболд Монголын багш нарын өдрийг тэмдэглэх 44 дэх жилийн ёслолын ажиллагаанд оролцлоо. Монгол Улсын Ерөнхий сайд багш сурган хүмүүжүүлэгчдэд хандаж “Манай боловсролын салбарт хийж эхлүүлсэн амжилтаа үргэлжлүүлэх, шинээр хийх зүйл олон байна. Бид боловсролынхоо тогтолцоог дэлхийн жишигт нийцүүлэх ёстой. Монголчууд боловсролоороо, амьдрах чадвараараа, мэргэжлээрээ дэлхийн түвшинд өрсөлдөх чадвартай болох учиртай гэсэн зорилт, шаардлага тавигдаж байна. Энэ зорилтыг хэрэгжүүлэхэд гол манлайлагч, тулгуур нь багш, сурган хүмүүжүүлэгч гэдгийг та нар минь сайн ойлгож байгаа.
Монгол Улсын Ерөнхий сайд С.Батболд Засгийн газар, Монголын мэргэжлийн холбоодын нэгдсэн зөвлөл хамтран зохион байгуулсан “Монголд үйлдвэрлэв-2010” үндэсний үйлдвэрлэлийн бүтээгдэхүүний үзэсгэлэн худалдааг нээж үг хэлэв. Ерөнхий сайд хэлсэн үгэндээ дөрөв дэх жилдээ зохиогдож байгаа энэ арга хэмжээ улам өргөжсөн нь харагдаж байна. Энэ арга хэмжээ нь бизнес эрхлэгчдэд бүтээгдэхүүнийхээ чанарын түвшинг жишиж үзэх, хэрэглэгчиддээ бараа бүтээгдэхүүнээ танилцуулж сурталчилахаас гадна өөр хоорондоо танилцаж, туршлагаа солилцож, бие биенээсэээ суралцах, өрсөлдөх олон боломжийг олгоно. “Монголд үйлдвэрлэв” бүтээгдэхүүний нэр төрөл нь олширч чанаржсан нь харагдаж байна.
Монгол Улсын Ерөнхий сайд С.Батболд “Таван толгой” төслийн Ажлын хэсгийн хуралдааныг удирдаж үүрэг өглөө. Ерөнхий сайд “Хамтарсан Засгийн газрын шийдвэрлэх ёстой олон зорилтын нэг нь “Таван толгой” төслийг хэрэгжүүлэх асуудал юм. 2009 онд “Оюу толгой” төслийг хэрэгжүүлэх ажлын үндэс нь тавигдсан. 2010 онд “Таван толгой” төслийг хэрэгжүүлэх эдийн засаг, эрх зүйн орчныг бүрдүүлэх шаардлага тулгарч байна. Юуны өмнө дэд бүтцийг бүрдүүлэх, улс төр, эдийн засаг болон гадаад дотоод асуудлаа тогтвортой байлгах нь нэн тэргүүний асуудал юм.
Жанжин Д.Сүхбаатарын мэндэлсний 117 жилийн ойг тохиолдуулан УИХ-ын дарга Д.Дэмбэрэл, Монгол Улсын Ерөнхий сайд С.Батболд болон албаны хүмүүс жанжны хөшөөнд хүндэтгэл үзүүлэн цэцэг өргөлөө.
Монгол Улсын Ерөнхий сайд С.Батболд дэлхийн 85 оронд 35 мянган сайн дурын гишүүдээ илгээгээд буй ЖАЙКА-гийн сайн дурын гишүүдийг хүлээн авч уулзлаа. ЖАЙКА манай улсад 1991 оноос сайн дурын гишүүдээ томилж энэ хугацаанд 400 гаруй гишүүн томилогдон ажиллажээ. Сайн дурын гишүүд нь томилогдсон орныхоо ард иргэдэд Японы техник технологийн ололттой талыг хөгжиж буй орнуудын бүтээн байгуулалт, хүний нөөцийг хөгжүүлэхэд чиглэсэн “Өвсний үндэс” хөтөлбөрийн хүрээнд ажилладаг байна.